မြန်မာ့တပ်မတော်မှာ မြင်တွေ့ရတော့မည့် ရုရှားနိုင်ငံထုတ် The Orlan-10E ကင်းလှည့်ဒရုန်း

265

ရုရှားနိုင်ငံဟာ Pantsir-S1 လေကြောင်းကာကွယ်ရေးစနစ်တွေ မြန်မာနိုင်ငံကိုရောင်းချဖို့ သဘောတူညီပြီးနောက်ပိုင်း

The Orlan-10E စောင့်ကြည့်ဒရုန်းတွေ ဆက်လက်ရောင်းချပေးမယ်လို့ The defense post သတင်းဌာနက ဖော်ပြသွားပါတယ်။

ပြီးခဲ့တဲ့တစ်ပတ်က ရုရှားကာကွယ်ရေးဝန်ကြီး မြန်မာနိုင်ငံကို ရောက်ရှိလာခဲ့ပြီး မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့တွေ့ဆုံပြီး

စစ်လက်နက်တွေဝယ်ယူရေး လက်မှတ်တွေထိုးခဲ့ရာမှာ The Orlan-10E ကင်းလှည့်ဒရုန်းတွေရောင်းချဖို့လည်း သဘောတူခဲ့တယ်လို့ ဆိုပါတယ်။

Thedefensepost ရဲ့ဖော်ပြမှုအရ မြန်မာ့တပ်မတော်ဟာ Pantsir-S1 လေကြောင်းကာကွယ်ရေးစနစ်ကို
“ဝ” ကိုယ်ပိုင်အုပ် ချုပ်ခွင့်ရဒေသအနီးအနားက ရှမ်းပြည်နယ်မှာ တပ်ဆင်လိမ့်မယ်လို့ ယူဆရကြောင်းလည်း ပါရှိပါတယ်။

ရုရှားတပ်မတော်ဟာ The Orlan-10E ဒရုန်းတွေကို ၂၀၁၀ ပြည့်နှစ်ကတည်းက လေကြောင်းကင်းထောက်လုပ်ငန်းနဲ့ စောင့်ကြည့်လုပ်ငန်းတွေမှာ တီထွင်အသုံးပြုခဲ့တာ ဖြစ်ပါတယ်။

အဲဒီဒရုန်းတွေဟာ အမြင့်ဆုံး မီတာ ၆၀၀၀ ( ၃.၇ မိုင်) အထိ ပျံသန်းနိုင်ပြီး အမြန်ဆုံးတစ်နာရီ မိုင် ၇၀ နှုန်း နဲ့ ၁၈ နာရီအထိ မနားတမ်းပျံသန်းနိုင်ကာ မိုင် ၉၀ အကွာအဝေးကနေ ထိန်းချုပ်နိုင်တယ်လို့ Forbes မဂ္ဂဇင်းမှာ ဖော်ပြပါရှိပါတယ်။

ဒရုန်းရဲ့ အရှည်က ၁ .၈ မီတာ (၅ ပေ၊ ၉ လက်မ) တောင်ပံက ၃ .၁ မီတာ (၁၀ပေ ၁ လက်မ) အကျယ်ရှိပါတယ်။ အများဆုံးသယ်ဆောင်နိုင်တဲ့ အလေးချိန်က ၁၈ ကီလိုဂရမ်( ပေါင် ၄၀) ဖြစ်ပါတယ်။

မြန်မာနိုင်ငံဟာ ရုရှားနိုင်ငံကနေ လက်နက်တွေ အဓိကဝယ်ယူတဲ့နိုင်ငံဖြစ်ပြီး

၂၀၀၁ ခုနှစ်နောက်ပိုင်းမှာ ရုရှားဆီကနေ MiG-29 ဂျက်တိုက်လေယာဉ် အစင်း ၃၀၊

Yak-130 လေ့ကျင့်ရေးဂျက်လေယာဉ် ၁၂ စင်း၊ Mi-24 ၁၀ စင်း၊ Mi-35P ရဟတ်ယာဉ်တွေနဲ့

Pechora-2M လေကြောင်း ဒုံးခွင်းစနစ်တွေကို ဝယ်ယူခဲ့တယ်လို့ သိရပါတယ်။

Ref : O-Media

LEAVE A REPLY

Please enter your comment!
Please enter your name here