ရေနံပိုက်လိုင်း ပျက်စီးမည်ကို တရုတ်အစိုးရ အထူးစိုးရိမ်နေ

209

ရေနံပိုက်လိုင်းကို ဖျက်ဆီးရန်နှင့် တရုတ်ဆန့်ကျင်ရေး လှုံ့ဆော်မှုများ၊ မြောက်ပိုင်းလက်နက်ကိုင်များကြောင့် ပိုက်လိုင်း ထိခိုက်မည် တရုတ်အစိုးရ စိုးရိမ်နေ
===================================
မြန်မာနိုင်ငံတွင် ဆန္ဒပြမှုများဖြစ်ပေါ်နေစဉ် တရုတ်-မြန်မာရေနံပိုက်လိုင်းကို ဖျက်ဆီးရန် လှုံ့ဆော် မှုများ၊ တရုတ်ဆန့်ကျင်ရေးလှုံ့ဆော်မှုများ ကြောင့် ရေနံနှင့်သဘာဝဓာတ်ငွေ့ ပိုက်လိုင်းအပေါ် အန္တရာယ်ပြုလာနိုင်သည့်အပြင် မြောက်ပိုင်းလက်နက်ကိုင်များ၏အနေအထားကြောင့် ထိခိုက်မှုများဖြစ်လာနိုင်သည့်အတွက် တရုတ်ဝန်ထမ်းများ၏ လုံခြုံရေးအတွက် စိုးရိမ်ကြောင်း တရုတ်နိုင်ငံခြားရေးဝန်ကြီးဌာန၊ ပြင်ပလုံခြုံရေးဌာန ညွှန်ကြားရေးမှူးချုပ် Mr. Bai Tianက ပြောဆိုသည်။

ဖေဖော်ဝါရီလ ၂၃ ရက်နေ့ တရုတ်နှင့် မြန်မာအစိုးရအကြား တရုတ်စီမံကိန်းများ၏ အန္တရာယ်ကင်းရှင်းရေးနှင့်လုံခြုံရေးဆိုင်ရာ ပူးတွဲအစည်းအဝေးတွင် ၎င်းက အထက်ပါအတိုင်း ပြောဆိုလိုက်ခြင်းဖြစ်သည်။

တရုတ်နိုင်ငံခြားရေးဝန်ကြီးဌာန၊ ပြင်ပလုံခြုံရေးဌာန ညွှန်ကြားရေးမှူးချုပ် Mr. Bai Tian မြန်မာ-တရုတ် ရေနံနှင့်သဘာဝဓာတ်ငွေ့ပိုက်လိုင်းသည် BRI ၏ အရေးကြီးသည့် အစိတ်အပိုင်းဖြစ်ပြီး နှစ်နိုင်ငံလုံး၏ အကျိုးစီးပွားနှင့်သက်ဆိုင်ပါကြောင်း၊ ယခုအခြေအနေတွင် ပိုက်လိုင်းအပေါ် ပြဿနာရှာမှုများနှင့်ဝေဖန်မှုများ မြင့်တက်လာနေပါကြောင်း၊ ပိုက်လိုင်းအား ဖျက်ဆီးရန် လှုံ့ဆော်မှုများလည်းရှိနေပြီး ပိုက်လိုင်းကုမ္ပဏီရုံးချုပ်တွင်လည်း ဆန္ဒပြမှု ကြုံတွေ့နေရကြောင်း ၎င်းက ဆိုသည်။

ဆက်လက်၍ ရေနံနှင့်သဘာဝဓာတ်ငွေ့ပိုက်လိုင်းထိခိုက်ပါက နှစ်နိုင်ငံလုံးတွင် ကြီးမားသည့် ဆုံးရှုံးမှုဖြစ်ပေါ်စေနိုင်ပြီး မြန်မာနိုင်ငံ၏ နိုင်ငံခြားရင်းနှီးမြုပ်နှံမှုအပေါ် ယုံကြည်မှု ထိခိုက်စေနိုင်ကြောင်း၊ လက်ရှိ မြန်မာနိုင်ငံတွင် ဆန္ဒပြမှုများ ဆက်တိုက်တွေ့မြင်နေရပြီး တရုတ်ဆန့်ကျင်ရေး လှုံ့ဆော်များတွေ့မြင်နေရကြောင်း၊ ရေနံနှင့်သဘာဝဓာတ်ငွေ့ပိုက်လိုင်းအပေါ် အန္တရာယ်ပြုလာနိုင်သည့်အပြင် မြန်မာနိုင်ငံ မြောက်ပိုင်းလက်နက်ကိုင်များ၏ အနေအထားကြောင့် ထိခိုက်မှုများ ဖြစ်လာနိုင်သည့်အတွက် တရုတ်ဝန်ထမ်းများ၏ လုံခြုံရေး စိုးရိမ်ကြောင်း ၎င်းက ဆိုသည်။

ပြည်ထဲရေးဝန်ကြီးဌာနမှ ရဲမှူးချုပ်အောင်ဌေးမြင့်က ကီလိုမီတာ ၈၀၀ ရှည်လျားသည်ပိုက်လိုင်း လုံခြုံရေးအတွက် ရေနံမြေ လုံခြုံရေးရဲတပ်ဖွဲ့ကို ၂၀၁၄ ခုနှစ်စတင်၍ ဖွဲ့စည်းဆောင်ရွက်ပေးလျက်ရှိကြောင်း၊ ရဲတပ်ဖွဲ့အပြင် တပ်မတော်ကပါ လုံခြုံရေးပါဝင်ဆောင်ရွက်နေကြောင်းပြောဆိုသည်။

တရုတ်နိုင်ငံခြားရေးဝန်ကြီးဌာန၊ ပြင်ပလုံခြုံရေးဌာန ညွှန်ကြားရေးမှူးချုပ် Mr. Bai Tian က ပိုက်လိုင်းတစ်လျှောက် စခန်း ၅၉ ခုတွင် မြန်မာလုံခြုံရေးတပ်ဖွဲ့ဝင်များက စောင့်ရှောက်ပေးမှု အတွက်ကျေးဇူးတင်ကြောင်း ရေနံမြေလုံခြုံရေး တပ်ဖွဲ့များ ပိုမို စေလွှတ်စောင့်ရှောက်ပေးစေလိုကြောင်း၊ မီဒီယာများတွင် တရုတ်နိုင်ငံနှင့်သက်ဆိုင်သည့် ဖော်ပြချက်များအပေါ် အပြုသဘောဆောင်မှုများဖြစ်ပေါ်စေရန် ဖြေရှင်းဆောင်ရွက်ပေးရန် မျှော်လင့်ကြောင်း အပါအဝင် တောင်းဆိုချက်များကို ပြောဆိုခဲ့သည်။

အဆိုပါ နှစ်နိုင်ငံအစည်းအဝေးသို့ တရုတ်ဘက်မှ တရုတ်နိုင်ငံခြားရေးဝန်ကြီးဌာန၊ ပြင်ပလုံခြုံရေးဌာန ညွှန်ကြားရေးမှူးချုပ် Mr. Bai Tian ၊ မန္တလေးမှ တရုတ်ကောင်စစ်ဝန် Mr. Chen Chen ၊ မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai တို့တက်ရောက်ပြီး စစ်ကောင်စီဘက်မှ ဒေါ်မြတ်သီတာအေး ဒုတိယညွှန်ကြားရေးမှူးချုပ်၊ အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန၊ နိုင်ငံခြားရေးဝန်ကြီးဌာန၊ ရဲမှူးချုပ်အောင်ဌေးမြင့်၊ မြန်မာနိုင်ငံရဲတပ်ဖွဲ့၊ ပြည်ထဲရေးဝန်ကြီးဌာန၊ ဒေါ်ခင်နီလာစိုး၊ ညွှန်ကြားရေးမှူး နိုင်ငံရေးရာ ဦးစီးဌာန၊ နိုင်ငံခြားရေးဝန်ကြီးဌာန၊ ဒေါ်ဖြူဖြူစိုး၊ ညွှန်ကြားရေးမှူး၊ အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန နိုင်ငံခြားရေးဝန်ကြီးဌာနတို့ တက်ရောက်ကြောင်း သိရှိရသည်။

LEAVE A REPLY

Please enter your comment!
Please enter your name here