တောင်ကိုရီးယားသတင်းများမှာ ဖော်ပြခြင်းခံခဲ့ရပြီး ကိုရီးယားလူမျိုးတွေရဲ့စိတ်ဝင်စားမှုကိုရရှိခဲ့တဲ့ ဟားငါးကောင်လူရွှင်တော်အဖွဲ့

157

ပြည်သူ့အချစ်တော် ဟားငါးကောင်အဖွဲ့ကတော့ လက်ရှိအချိန်မှာ တောတွင်းတစ်နေရာကို ရောက်ရှိလို့နေပြီပဲ ဖြစ်ပါတယ် ။ အမှန်တရားကို လက်ကိုင်ထားပြီး ပြည်သူတွေဘက်ကနေ အခိုင်အမာရပ်တည်ခဲ့တဲ့ ဟားငါးကောင်အဖွဲ့က အားလုံးနဲ့အတူ တစ်သားတည်းရှိနေကြောင်း ပြသခဲ့တာ ဖြစ်ပါတယ် ။ သူတို့အဖွဲ့ကတော့ မြို့ပေါ်မှာရှိတဲ့အချိန်တုန်းကလည်း လူထုလှုပ်ရှားမှုပွဲတွေမှာ တတ်နိုင်သလောက် ပါဝင်အားဖြည့်ပေးခဲ့ကြတာ ဖြစ်ပါ တယ် ။

ပြီးခဲ့တဲ့ရက်ပိုင်းကစပြီး လူရွှင်တော်တိုင်းကျော်နဲ့ လူရွှင်တော် ပိုးလေးတို့က သူတို့ရဲ့လူမှုကွန်ယက်စာမျက်နှာထက်မှာ ပုံတစ်ချို့ကို မျှဝေပေးလာတာ ဖြစ်ပါတယ် ။ တိုင်းကျော်၊ ပြည်ကျော်၊ တိုးကျော်၊ ဝိုင်းကျော်နဲ့ ပိုးလေးတို့ငါးယောက်လုံးက အခုဆိုရင် တောထဲတောင်ထဲမှာ ခိုလှုံနေရတာပဲ ဖြစ်ပါတယ် ။ သူတို့အဖွဲ့ကတော့ အနုပညာအလုပ်တွေလုပ်စဉ်တုန်းကလည်း တက်ညီလက်ညီရှိကြသလို အခုလိုအချိန်မှာလည်း စည်းလုံးညီညွတ်နေကြတာ ဖြစ်ပါ တယ် ။

အခုချိန်မှာတော့ ဟားငါးကောင်ရဲ့ အမှန်တရားအတွက် တိုက်ပွဲဝင်နေတဲ့ ပုံရိပ်များဟာ တောင်ကိုရီးယားရဲ့ သတင်းများမှာပါ ဖော်ပြခြင်းခံနေရပြီ ဖြစ်ပါတယ်။ အဆိုပါ သတင်းနဲ့ ပက်သက်ပြီး မရွှေမိုးကတော့ သူမရဲ့ ဆိုရှယ်မီဒီယာကနေတဆင့် အခုလိုပဲ ရေးသားခဲ့ပါတယ်။ ” တောင်ကိုရီးယား သတင်းထဲမှာ နာမည်ကြီး မြန်မာ လူရွှင်တော် ဟား ၅ ကောင် အကြောင်းပါလာပြီ ..

နာမည်ကျော်လူရွှင်တော် “ Ha 5 Gown” (“ ပြုံးနေသောလူငါး ဦး” လို့အဓိပ္ပာယ်ရတဲ့) ၅ ယောက်ဟာ အခုတော့ မြန်မာပြည်သူတွေကိုကာကွယ်ဖို့ ပြည်သူ့ကာကွယ်ရေးတပ်ဖွဲ့ ( PDF ) ကိုရောက်နေပြီဆိုတာပေါ့။ ဒီနေ့တောင်ကိုရီးယားတွေပြောနေကြတဲ့ သတင်း..။ ” ဟု ရေးသားဖော်ပြထားပါတယ်။

မြန်မာနိုင်ငံရဲ့ နွေဦးတော်လှန်ရေးဟာ တကမ္ဘာလုံးက စောင့်ကြည့်ကာ ချီးကျူးအံ့အားသင့်ခဲ့ရတဲ့အထိ ပြည်သူတွေရဲ့ စည်းလုံးညီညွတ်မှုဟာ အံ့မခန်းပဲ ဖြစ်ပါတယ်။ အဆုံးထိ ဖတ်ရှုပေးတဲ့ ပရိတ်သတ်ကြီးကို အထူးပဲ ကျေးဇူးတင်ရှိပါ တယ်ရှင်။

LEAVE A REPLY

Please enter your comment!
Please enter your name here