အရေးတော်ပုံမှာ ကျဆုံးသွားသူများကို သွားရောက်လှူဒါန်းခဲ့တဲ့ ခန့်စည်သူ

241

အကယ်ဒမီ ခန့်စည်သူ က အရေးတော်ပုံမှာ ကျဆုံးသွားခဲ့သူများနဲ့ထိခိုက်ဒဏ်ရာ ရသူတို့ကိုကိုယ်တိုင်သွားရောက်လှူဒါန်း ဖြစ်ခဲ့တဲ့ အကြောင်း သူကိုယ်တိုင် အသုံးပြုတဲ့လှူမှုကွန်ရက်စာမျက်နှာကနေ အခုလိုဖော်ပြလာပါတယ်။

-ကိုဟိန်းထွဋ်အောင်(တ/ဒဂုံ)
(၂၈-၂-၂၀၂၁)

ကိုဟိန်းထွဋ်အောင် အတွက်ရည်စူး၍ သင်္ကန်း၊နာရေးအကူအလှူငွေ(၃)သိန်းနှင့်ကျန်ရစ်သူမိသားစုအတွက် ဆန်၊ဆီနှင့်ပုဆိုးများ၊လုံခြည်များကို ပေးအပ်လှူဒါန်းခဲ့ပါတယ်။

-ကိုဖိုးချစ်(မ/ဒဂုံ)
(၃-၃-၂၀၂၁)

ကိုဖိုးချစ်အတွက် ရည်စူး၍ သင်္ကန်းခြင်း၊နာရေးအကူ အလှူငွေ(၃) သိန်းနှင့် ၎င်း၏ဇနီး မသဲစုအတွက် နားကပ်လေးတစ်ရံကို ပေးအပ်လှူဒါန်းခဲ့ပါတယ်။

-ကိုဇွဲထက်စိုး(မ/ဒဂုံ)
(၃-၃-၂၀၂၁)

ကိုဇွဲထက်စိုးအတွက် ရည်စူး၍ သင်္ကန်းခြင်း၊နာရေးအကူ အလှူငွေ (၃)သိန်းနှင့် ၎င်း၏ဇနီး မသက်ထားအတွက် နားကပ်လေးတစ်ရံ၊ချစ်စရာကောင်းတဲ့ သမီးလေး ရွှေရုပ်လွှာအတွက်လည်း လက်စွပ်လေးတစ်ကွင်းကို ပေးအပ်လှူဒါန်းခဲ့ပါတယ်။

(မိသားစုများနှင့်ထပ်တူ ကြေကွဲဝမ်းနည်းရပါတယ်။ ကောင်းရာသုဂတိလားကြပါစေ လို့မေတ္တာပို့ အမျှဝေဆုတောင်းပေးခဲ့ပါတယ်။)

-ကိုမင်းသူရ (မ/ဒဂုံ)

မျက်စိတစ်ဖက် ထိခိုက်ပျက်စီးသွားတဲ့အတွက် (၆-၂-၂၀၂၁) ယနေ့ထိ ဆေးရုံကမဆင်းနိုင်သေးပါဘူး။

ကိုမင်းသူရအတွက် ဆေးကုသစားရိတ် အလှူငွေ(၂)သိန်းနှင့် ပုဆိုးများ၊တရားစာအုပ်များ၊

၎င်း၏မိခင်ကြီးအတွက် မောင်းကွင်းရွှေ လက်စွပ်လေး တစ်ကွင်း ကန်တော့ခဲ့ပါတယ်။

အမြန်ဆုံးသက်သာပျောက်ကင်းပြီး မိဘကို အလုပ်အကျွေးပြုနိုင်တဲ့ သားကောင်းရတနာဖြစ်ပါစေ။

LEAVE A REPLY

Please enter your comment!
Please enter your name here