လုံခြုံရေးတပ်ဖွဲ့ဝင်များ ပေါ့ပေါ့ဆဆမနေဘဲ သတိဖြင့် တာဝန်ထမ်းဆောင်ရန် စစ်ကောင်စီဥက္ကဌ သတိပေး

151

အောက်တိုဘာ၊ ၁၁ လုံခြုံရေးတပ်ဖွဲ့ဝင်များအနေနဲ့ ပေါ့ပေါ့ဆဆမနေဘဲ သတိဖြင့် တာဝန်ထမ်းဆောင်ကြဖို့ စစ်ကောင်စီဥက္ကဌက သတိပေး ပြောကြားလိုက်ပါတယ်။

(အောက်တိုဘာ ၁၀)က ရန်ကုန်တိုင်းဒေသကြီး အစိုးရအဖွဲ့ဝန်ကြီးများနဲ့ တာဝန်ရှိသူများကို တိုင်းဒေသကြီး အစိုးရအဖွဲ့ရုံးမှာ တွေ့ဆုံစဉ် စစ်ကောင်စီဥက္ကဌက ယခုလို ထည့်သွင်းပြောကြားခဲ့တာ ဖြစ်ပါတယ်။”ပြည်သူ့လုံခြုံရေး ဆောင်ရွက်ဖို့အတွက် ပြည်သူတွေ ပူးပေါင်းပါဝင် ဆောင်ရွက်လာအောင် ပြည်သူနဲ့ ကောင်းမွန်တဲ့ ဆက်ဆံရေးရှိဖို့ လိုအပ်ပါတယ်။ လုံခြုံရေးကို တိုက်ရိုက်တာဝန်ယူရတဲ့ လုံခြုံရေး တပ်ဖွဲ့ဝင်များအနေနဲ့ ပေါ့ပေါ့ဆဆ ဆောင်ရွက်ခြင်းမရှိအောင် တာဝန်ရှိသူများက ကြပ်မတ်ဆောင်ရွက်ဖို့လိုပြီး သတိဖြင့်တာဝန် ထမ်းဆောင်ဖို့ လိုပါတယ်။လို့ ၎င်းက ပြောပါတယ်။

ယင်းအပြင် ပြစ်မှုကျူးလွန်မှုများ မဖြစ်ပေါ်စေရေးအတွက် သွားလာမှုလွယ်ကူရေး ဆောင်ရွက်ပေးဖို့နဲ့ လိုအပ်တဲ့ ရဲစခန်းများနဲ့ မီးသတ်စခန်းများ တည်ဆောက်ပေးဖို့ လိုအပ်တယ်လို့ ၎င်းကဆိုပါတယ်။
လုံခြုံရေးနဲ့ ပတ်သက်ပြီး ထိခိုက်အောင် ဆောင်ရွက်သူများကိုလည်း ဥပဒေနဲ့အညီ ထိရောက်စွာ အရေးယူဆောင်ရွက်ဖို့ လိုတာကြောင့် အုပ်ချုပ်ရေးပိုင်းဆိုင်ရာ တာဝန်ရှိသူများအနေနဲ့ ကျောသားရင်သားမခွဲခြားဘဲ ဆောင်ရွက်ကြဖို့ကိုလည်း ၎င်းက တိုက်တွန်းပြောကြားခဲ့ပါတယ်။

LEAVE A REPLY

Please enter your comment!
Please enter your name here