လိုင်းခန်းငှားကာ နေနေရတဲ့ အသက် (၈၆) နှစ်အရွယ် ဘဘ ဦးဇော်မှိုင်းအတွက် လူသားချင်းစာနာစွာ လိုအပ်တာများ ထောက်ပံ့လှူဒါန်းပေးခဲ့တဲ့ မိုးစက်

165

လူရွှင်တော်မိုးစက်ကတော့ ခုလို ကာလတွေမှာ အကြောင်းအမျိုးမျိုးကြောင့် စားဝတ်နေရေးအတွက် အခက်အခဲဖြစ်နေတဲ့ အနုပညာသမားတွေကို တစ်ဖက်တစ်လမ်းကနေ ကူညီလှူဒါန်းမှုတွေ ပြုလုပ်ပေးနေတာကြောင့် ပရိသတ်အားပေးချစ်ခင်နေကြတဲ့ အနုပညာရှင်လေးဖြစ်ပါတယ်။

မိုးစက်က ကိုယ်တိုင်လည်း ရရှိတဲ့ အနုပညာကြေးလေးတွေစုပေါင်းပြီး လှူဒါန်းသလို (၇) ရက်သားသမီး အလှူရှင်များနဲ့ အတူ စုပေါင်းအလှူတွေမှာလည်း လုပ်အားဒါနတွေကူညီလေ့ရှိသူပါ ။ အခုလည်း လိုင်းခန်း ဌားနေနေရတဲ့ အသက် (၈၆) နှစ်အရွယ် ဘဘ ဦးဇော်မှိုင်းအတွက် လိုအပ်တာများ ကူညီသွားရောက် လှူဒါန်းခဲ့ပါတယ် ။

ဘဘဦးဇော်မှိုင်း အတွက် ဆန်တစ်အိတ်နှင့် ငွေတစ်သိန်းကျပ် ကူညီထောက်ပံ့ပေးခဲ့တဲ့ အကြောင်းကိုလည်း “ အသက်(၈၆) နှစ်အရွယ် ဘဘဦးဇော်မှိုင်းကို ဆန်တစ်အိတ်နှင့် ငွေတစ်သိန်းကျပ် ကူညီထောက်ပံ့ပေးခဲ့ပါတယ်ခင်ဗျာ…။ တုန်ရီနေတဲ့လက်လေးတွေနဲ့ ရေနွေးလေးကိုယ်တိုင်ငှဲ့ပြီး ဧည့်ခံပေးတဲ့ ဘဘကို ကျေးဇူးပါဗျာ။

သားရယ်…ဒီလိုအချိန်မှာ ဆန်တစ်အိတ်နဲ့ ငွေတစ်သိန်းဟာ ဘာနဲ့မှတန်ဖိုးဖြတ်မရပါဘူးကွာ။ တဲ့ လိုင်ခန်းလေးငှားနေရပြီး အသက်အရွယ်ကြီးရင့်လာပြီမို့ လူသားချင်းစာနာထောက်ထားသောအားဖြင့်ကူညီထောက်ပံ့ပေးခဲ့တာပါ။ ကျွန်တော့်ဆီမှာ လိုအပ်သူများရကူညီထောက်ပံ့နိုင်ရန် ငွေပေးထားသော မိတ်ဆွေများလဲ ကျေးဇူးပါ ” ဆိုပြီးရေးသားဖော်ပြထားရာ ပရိသတ်ကြီးအတွက် ပြန်လည်ဝေမျှပေးလိုက်ပါတယ် ။

LEAVE A REPLY

Please enter your comment!
Please enter your name here