မန္တလေးမြို့ က.ည.န ရုံးမှာ ပေါက်ကွဲမှုဖြစ် လူ ၈ ဦးဒဏ်ရာရ

159

မန္တလေးမြို့ သိပ္ပံလမ်းပေါ်က ကုန်းလမ်းပို့ဆောင်ရေးညွှန်ကြားမှုဦးစီးဌာန က.ည.န ရုံးမှာ ဒီနေ့(စက်တင်ဘာ ၂၇)မနက် ၁ဝနာရီကျော်က ပေါက်ကွဲမှုတစ်ခုဖြစ်ခဲ့ပြီး လူရှစ်ယောက် ဒဏ်ရာရရှိခဲ့တယ်လို့ လူမှုကူညီရေး အသင်းကနေ သိရပါတယ်။

” မိုင်းကွဲလို့ ဒဏ်ရာရပြည်သူရှိတယ်ဆိုလို့ သွားရတာပဲ။ လူနာအခြေနေက ခြေထောက်တွေလက်တွေ ပွန်းပဲ့ပေါက်ပြဲတာပဲ။ စိုးရိမ်ရတာမပါဘူး။ သေတာတော့ တစ်ယောက်မှမရှိဘူး။ လေးစီး ရှစ်ယောက် သယ်လာတာ ဆေးရုံကြီးပို့ပေးရတာ ” လို့ ဒဏ်ရာရလူနာတွေ ပို့ဆောင်ပေးခဲ့ရတဲ့ လူမှုကူညီရေးအသင်းက ဥက္ကဋ္ဌက ပြောပါတယ်။

သိပ္ပံလမ်းပေါ်ရှိတဲ့ ကုန်းလမ်းပို့ဆောင်ရေး ညွှန်ကြားမှု ဦးစီးဌာန က.ည.န ရုံးမှာ ဖေဖော်ဝါရီလနောက်ပိုင်း ဗုံးပေါက်ကွဲမှုတွေ အနည်းဆုံး ၅ ကြိမ်ဖြစ်ပွါးခဲ့ပြီး ဝန်ထမ်းရော လိုင်စင် သက်တမ်းတိုးသူတွေပါ ထိခိုက်ဒဏ်ရာရသူတွေ ရှိခဲ့ပါတယ်။
ဒီနေ့ က.ည.နဗုံးပေါက်ကွဲရာမှာ ဒဏ်ရာရသူတွေက လိုင်စင်သက်တမ်း လာတိုးတဲ့ ပွဲစားတွေ အများစုဖြစ်တယ်လို့ အဲ့ဒီအနား နီးစပ်တဲ့ဒေသခံတွေက ပြောပါတယ်။

LEAVE A REPLY

Please enter your comment!
Please enter your name here