မုဆိုးမမိခင်က ကျည်ထိမှန်ပြီး ပွဲချင်းပြီးကျဆုံးသွားခဲ့ရတာကြောင့် အကူအညီလိုအပ်နေတဲ့ ကျန်ရစ်သူသားသမီးသုံးယောက်

337

မြန်မာပြည်သူ၊ပြည်သားတွေရဲ့ စိတ်ထားကတော့ အားနည်းသူကို ကူညီဖေးမပြီး ဂရုဏာတရားနဲ့ကြင်နာပေးကြတာဖြစ်ပါတယ်။လက်ရှိကာလမှာ ကျဆုံးသွားရတဲ့ သူရဲကောင်းတွေလည်း မတ်လ(၂၀)ရက်နေ့အထိဆိုရင် အယောက်(၃၀၀)နီးပါး ရှိနေပြီဖြစ်ပါတယ်။

အဝတ်လျှော်ပြီး မိသားစုရဲ့စားဝတ်နေရေးကို ဖြေရှင်းပေးနေတဲ့ ဟိန္ဒူအမျိူးသမီးကြီးတစ်ယောက်ဆိုရင်လည်း အဝတ်လျှော်ပြီးလို့ အိမ်အပြန်လမ်းမှာ ကျည်မှန်ပြီး ပွဲချင်းပြီးကျဆုံးသွားခဲ့ရတာဖြစ်ပါတယ်။ဟိန္ဒူအမျိုးသမီးကြီးမှာ ကလေးငယ်လေး(၂)ယောက်နဲ့ ကိုယ်ဝန်ဆောင်သည်သမီးကြီးတစ်ယောက်လည်း ရှိပါတယ်။

ဟိန္ဒူအမျိုးသမီးကြီးက မုဆိုးမတစ်ယောက်ဖြစ်ပြီး နေစရာအိမ်လည်းမရှိတာကြောင့် မဟာသုခရဲ့နေမဝင်ကုသိုလ်ရှင်များခရီးမှာ သုညတဓမ္မရံသီ တရားရိပ်သာ ဆရာလေးဘုရားလှူဒါန်းပေးထားတဲ့ တဲနန်းတော်လေးမှာနေထိုင်နေတာဖြစ်ပါတယ်။

အခုလိုမျိုး မိခင်ကကျဆုံးသွားခဲ့တာကြောင့် ကလေးသုံးယောက်လုံး အမိမဲ့ဖြစ်သွားပြီးအကူအညီလိုအပ်နေတာ ဖြစ်ပါတယ်။ကလေးသုံးယောက်ကတော့ ကျဆုံးသွားတဲ့မိခင် ဒေါ်တင်တင်ဝင်း(ခ)ဒေါ်စန်းသီးအတွက် ရည်စူးပြီး အိမ်မှာပဲ ကုသိုလ်ကောင်းမှူတွေလုပ်ခဲ့တာ ဖြစ်ပါတယ်။

ကလေးသုံးယောက်က ဆရာတော်ဘုရားတွေကို ပစ္စည်းလေးပါးကပ်လှူပူဇော်ပြီး ဆွမ်းကပ်ခဲ့ပါတယ်။ဒါ့အပြင်လည်း ဧည့်သည်များနဲ့ ရပ်ကွက်သူ၊ရပ်ကွက်သားတွေကို မုန့်ဟင်းခါးစတုဒီသာကျွေးပြီး ကုသိုလ်ပြုခဲ့တာဖြစ်ပါတယ်။အမေမရှိတော့တဲ့ ကလေးသုံးယောက်ကို သူတို့ရဲ့အနာဂတ်လေးလှပဖို့အတွက် ဝိုင်းဝန်းကူညီပေးဖို့ ပြည်သူတစ်ဦးက တောင်းဆိုထားတာဖြစ်ပါတယ်။

ကလေးသုံးယောက်ဆီကို တိုက်ရိုက်သွားပြီး လှူဒါန်းချင်တယ်ဆိုရင်တော့ “ရွှေနံသာဘုန်းကြီးကျောင်းနတ်စင်ဘေး ငွေစန္ဒာလမ်း ဘဲတန်းဟိန္ဒူဘုရားကျောင်းအနီး ကျွန်းသာယာရပ်ကွက် ပဲခူးမြို့”ဖြစ်ကြောင်းကို ပြန်လည်မျှဝေပေးလိုက်ပါတယ်။

LEAVE A REPLY

Please enter your comment!
Please enter your name here