မိုးကုတ်လျှပ်စစ်ရုံးက အရာရှိတစ်ဦး ပစ်ခတ်ခံရလို့သေဆုံး

161

မိုးကုတ်မြို့ အရှေ့ပိုင်းမင်းတံတားရပ်ထဲမှာရှိတဲ့ မြို့နယ်လျှပ်စစ်ရုံးက မြို့နယ်လျှပ်စစ်မန်နေဂျာ ဗိုလ်ကြီးစန်းအေးဆိုသူဟာ မနေ့ကစက်တင်ဘာ ၂၂ ရက်နေ့ညနေပိုင်းက ရုံးအတွင်းဝင်ရောက်ပစ်ခတ်ခံရမှုကြောင့် သေဆုံးခဲ့တယ်လို့ဒေသခံတွေကပြောပါတယ်။”

မနေ့ကမီတာဆောင်မလိုနဲ့ ဝင်ပစ်သွားတယ်လို့ ကြားတယ်။ ရုံးထဲဆိုတော့ ဘယ်လိုဖြစ်သွားတယ် သေချာမသိရဘူး။ အရင်မိုးကုတ်မှာဆန္ဒပြတာတွေ အတားအဆီးတွေ ရပ်ကွက်တွေမှာလုပ်တုန်းက EPC ရုံးက ဒီဗိုလ်ကြီးက ဝန်ထမ်းတွေကို ဖိအားပေးပြီးမီးဖြတ်ခိုင်းတယ်။ ရပ်ကွက်ထဲမှာ ဆန္ဒပြလူငယ်တွေ တားထားတဲ့အတားအဆီးတွေကို ဘူဒိုဇာနဲ့ထိုးခိုင်းတာတွေလုပ်ဖူးတယ်” လို့ဒေသခံတစ်ဦးက ဘီဘီစီကို ပြောပါတယ်။

မနေ့က EPC ရုံးအတွင်းကို ဝင်ရောက်ပစ်ခတ်မှုကြောင့် လျှပ်စစ်မန်နေဂျာ ဗိုလ်ကြီးစန်းအေး သေဆုံးခဲ့တဲ့ဖြစ်စဉ်အပြီးမှာပဲ ဒီကနေ့စက်တင်ဘာ ၂၃ ရက် နေ့လယ်ပိုင်းမှာ သက်ပျောက်ဆွမ်းကပ်ပြီးချိန်မှာ ရုံးအတွင်း ပေါက်ကွဲမှုတစ်ခု ထပ်ဖြစ်ခဲ့သေးတယ်လို့နီးစပ်သူတွေကပြောပါတယ်။ဒီပေါက်ကွဲမှုဖြစ်ချိန်မှာတော့ ရုံးအတွင်း လူမရှိတာကြောင့် ထိခိုက်ဒဏ်ရာရသူမရှိခဲ့ဘဲ ရုံးခေါင်မိုးတချို့ ပျက်စီးခဲ့တယ်လို့အနီးအနား နေထိုင်သူတွေကပြောပါတယ်။

LEAVE A REPLY

Please enter your comment!
Please enter your name here