မင်းအောင်လှိုင်နဲ့ တပ်ခေါင်းဆောင်တွေကို ချက်ချင်းဒဏ်ခတ်ပိတ်ဆို့တော့မယ်

305

တပ်မတော်ခေါင်းဆောင်တွေအပေါ် ဒဏ်ခတ်ပိတ်ဆို့မယ့် သမ္မတအမိန့် ဂျိုးဘိုင်ဒင်ခွင့်ပြု
================
ဖေဖော်ဝါရီ(၁၁)ရက်၊ ၂၀၂၁။

အာဏာသိမ်းဖို့ညွှန်ကြားတဲ့ တပ်ခေါင်းဆောင်တွေ၊ သူတို့ရဲ့စီးပွားရေးလုပ်ငန်းတွေအပြင် သူတို့ရဲ့ အနီးကပ်မိသားစုဝင်တွေကို ချက်ချင်းဒဏ်ခတ်ပိတ်ဆို့နိုင်မယ့် သမ္မတအမိန့်အသစ်တစ်ရပ်ကို ခွင့်ပြုလိုက်ပြီလို့ အမေရိကန်သမ္မတ ဂျိုးဘိုင်ဒင်က မနေ့ကညပိုင်းမှာ ထုတ်ပြန်လိုက်ပါတယ်။

ဒါကြောင့် ပစ်မှတ်ထားအရေးယူဒဏ်ခတ်ပိတ်ဆို့မယ့် ပထမအသုတ်စာရင်းကို ဒီသီတင်းပတ်ထဲမှာ ထုတ်ပြန်သွားမယ်လို့ ဘိုင်ဒင်က ပြောပါတယ်။

ဒါ့အပြင် ပို့ကုန်တွေထိန်းချုပ်မှုဆိုင်ရာခိုင်မာတဲ့ အရေးယူဒဏ်ခတ်ပိတ်ဆို့မှုကိုလည်းချမှတ်သွားမှာဖြစ်သလို မြန်မာအစိုးရအကျိုးရှိစေမယ့်ပိုင်ဆိုင်မှုတွေကို ထိန်းချုပ်ပိတ်ပင်ထားမှာဖြစ်တယ်လို့ ဆိုပါတယ်။

အခုအချိန်မှာတော့ အမေရိကန်ပြည်ထောင်စုမှာရှိနေတဲ့ မြန်မာအစိုးရရဲ့ ရန်ပုံငွေဒေါ်လာ တစ်ဘီလျံကို စစ်ဗိုလ်ချုပ်တွေ တရားနည်းလမ်းမကျရယူမှုကနေ တားဆီးဟန့်တားသွားဖို့ အမေရိကန်အစိုးရက ဆောင်ရွက်နေပြီလို့လည်း ဘိုင်ဒင်က ပြောပါတယ်။

အာဏာသိမ်းတာဝန်ရှိသူတွေအပေါ် နောက်ထပ်လိုအပ်တဲ့အရေးယူဆောင်ရွက်မှုတွေ ချမှတ်ဖို့ အသင့်ဖြစ်နေပြီး ဒီလိုကြိုးပမ်းအားထုတ်မှုမှာ တစ်ခြားနိုင်ငံတွေပါဝင်လာဖို့လည်း ဆောင်ရွက်သွားမှာဖြစ်တယ်လို့ ဆိုပါတယ်။

ဒါပေမဲ့ မြန်မာပြည်သူလူထုအတွက် တိုက်ရိုက်အကျိုးရှိစေမယ့် ကျန်းမာရေးစောင့်ရှောက်မှု၊ အရပ်ဘက် လူမှုအဖွဲ့အစည်းတွေနဲ့ တခြားကဏ္ဍတွေအတွက် ဆက်ပြီးအကူအညီတွေပေးသွားမှာဖြစ်တယ်လို့ သိရပါတယ်။

LEAVE A REPLY

Please enter your comment!
Please enter your name here