ဒီဘဝအတွက် ဘယ်တော့မှ မြင်တွေ့ခွင့်မရှိတော့တဲ့ သားတစ်ယောက်ကိုဆုံးရှုံးခဲ့ရတာ (၂) လပြည့်ပြီဖြစ်သည့် မိခင်တစ်ယောက်ရဲ့ရင်ဖွင့်သံ

55

အသက် ၂၀ ကျော်သာရှိသေးသည့် စိုင်းဘုန်းမင်းသန့်သည် မန္တလေးစက်မှုလက်မှုသိပ္ပံကျောင်း ကျောင်းသားများသမဂ္ဂ ဒု – ဥက္ကဌတစ်ဦးလည်း ဖြစ်ပြီး ဖေဖော်ဝါရီလ ၁ ရက်နေ့ အာဏာသိမ်းမှုအပြီးကတည်းက မန္တလေးမြို့ပေါ် ဆန္ဒပြပွဲများတွင် ဦးဆောင်လှုပ်ရှားခဲ့သူတစ်ဦးလည်း ဖြစ်သည်။

မြို့ပေါ် ဆန္ဒပြပွဲများကို အကြမ်းဖက်စစ်တပ်က အပြင်းအထန်ဖိနှိပ်လာရာတွင် လက်နက်ကိုင်တော်လှန်ရေးကို ရွေးချယ်ပြီးနောက် အကြမ်းဖက်စစ်တပ်များနှင့် ရင်ဆိုင်တိုက်ပွဲဖြစ်နေသော ကရင်နီအမျိုးသားများ ကာကွယ်ရေးတပ် (KNDF) ဘက်မှ ပါဝင်တိုက်ခိုက်ခဲ့စဉ် ကျဆုံးခဲ့ခြင်းဖြစ်သည်။

စိုင်းဘုန်းမင်းသန့်သည် စက်တင်ဘာ ၂၀ ရက်နေ့က ဖြစ်ပွားခဲ့သည့် ကရင်နီပြည်နယ်၊ ဒီးမော့ဆိုမြို့နယ် ဒေါပိုးစီ ကျေးရွာအနီး တိုက်ပွဲတွင် လက်နက်ကြီးကျည်ထိမှန်ပြီး ကျဆုံးခဲ့ရသူလည်း ဖြစ်သည်။

ကရင်နီပြည်နယ် ဒီမောဆိုမြို့နယ်တွင် ကျဆုံးခဲ့သည့် ပြည်သူ့ကာကွယ်ရေးတပ်ဖွဲ့ဝင်လူငယ် စိုင်းဘုန်း မင်းသန့်၏ ရုပ်အလောင်းကို ကျဆုံးပြီး ရက်ပေါင်း ၄၀ ကြာမှ ပြန်လည်ရှာဖွေတွေ့ခဲ့ပါတယ်။စိုင်းဘုန်းမင်းသန့်ရဲ့ မိခင်က လူမှုကွန်ယက်စာမျက်နှာတွင် ကြေကွဲဝမ်းနည်းစွာ ရေးသားလာပါတယ်နော်။

ဒီဘဝအတွက် ဘယ်တော့မှ မြင်တွေ့ခွင့်မရှိတော့တဲ့သားကို နှမျောတသ လွမ်းဆွတ်ခြင်းများစွာနဲ့ လက်လွှတ်ဆုံးရှုံးခဲ့ရတာ (၂) လပြည့်ခဲ့ပါပြီ။သားရဲ့အသံတွေနဲ့ သက်ဝင်လှုပ်ရှားခဲ့တဲ့အခန်းလေးဟာ..ခုတော့ တိတ်ဆိတ်ခြောက်ကပ်စွာ။အိမ်မှာ ဘယ်သူ့အခန်းဖြစ်ဖြစ် တံခါးခေါက်ပြီးမှဝင်လေ့ရှိတဲ့အတွက် သားအခန်းကို တံခါးခေါက်မိတဲ့အခါ ”ဝင်လာလေ..မေ” ဆိုတဲ့ သားပြန်ထူးတဲ့အသံမကြားရ၊ သားမရှိတော့တဲ့အခန်းကို ဝင်ကြည့်တိုင်းရင်တွေကွဲကြေရတယ် သားရယ်။

ဘဝအဆက်ဆက်က အပြစ်တွေ၊ဝဋ်ကြွေးတွေရှိခဲ့ရင်ပြေပါစေ၊ကြေပါစေ။ ဖြစ်လေရာဘဝအဆက်ဆက်ဒီလိုအဖြစ်ဆိုးမျိုး မကြုံရပါစေနဲ့။အပြစ်တွေရှိလို့ပေးဆပ်ရတယ်ဆိုရင် ဒီဘဝ နောက်ဆုံးဖြစ်ပါစေ။သံသရာတကွေ့မှာ ပြန်ဆုံတွေ့ပါရစေသားရေ”သားအတွက် နေ့စဉ်၊အပတ်စဉ်၊လစဉ်ပြုလုပ်ပေးတဲ့ကုသိုလ်ကောင်းမှုတွေအတွက်အမျှ အမျှ အမျှပါ သားရေ…။

LEAVE A REPLY

Please enter your comment!
Please enter your name here