ထားဝယ်သပိတ်စစ်ကြောင်းတွေမှာပါဝင်လှုပ်ရှားနေတဲ့ ကျောင်းသား ၃ ဦးကိုစစ်ကောင်စီဖမ်းဆီး

91

မြို့ပေါ်မှာဖမ်းဆီးမှုတွေဆက်တိုက်ရှိနေတယ်လို့ ဆို တနင်္သာရီတိုင်း၊ ထားဝယ်မြို့ပေါ်မှာ နေ့စဉ်သပိတ်စစ်ကြောင်းထွက်နေတဲ့ တပ်ပေါင်းစုသပိတ်ကော်မတီက သပိတ်စစ်ကြောင်းတွေမှာ ပါဝင်တဲ့ကျောင်းသားလူငယ် ၃ဦးကိုမနေ့ကစက်တင်ဘာ ၂၀ရက်နေ့ညနေပိုင်းက စစ်ကောင်စီတပ်တွေကနေအိမ်မှာဝင်ရောက်ဖမ်းဆီးခဲ့တယ်လို့ ထားဝယ်ခရိုင်သပိတ်ကော်မတီကသတင်းထုတ်ပြန်ပါတယ်။

ဖမ်းဆီးခံရသူတွေဟာ တက္ကသိုလ်ကျောင်းသားတွေဖြစ်တဲ့ ကိုစိုးပြည့်အောင်၊ မစိုးမီမီကျော်နဲ့ မသျှားပြည့်ခင်တို့ဖြစ်ပြီး သူတို့ကိုဝင်ရောက်ဖမ်းဆီးချိန်မှာ စစ်ကောင်စီတပ်တွေအင်အားသုံးပြီးပစ်ခတ်ခြောက်လှန့်မှုတွေလည်းရှိခဲ့တယ်လို့သပိတ်ကော်မတီကပြောပါတယ်။”ကျန်တဲ့လူတွေကသပိတ်စစ်ကြောင်းထွက်ဖို့သွားနေချိန်မှာ ကျန်ခဲ့တဲ့ နှစ်ယောက်ကိုဝင်ဖမ်းတယ်။ပထမဆုံးစစ်ကား ၃စီးနဲ့လာတယ်၊ အိမ်ရှေ့မှာရပ်ထားပြီးအိမ်ကိုချိန်ပြီးတော့ပိတ်တယ်။ ဝင်ရှာတဲ့အချိန်မှာသူတို့နှစ်ယောက်ကထွက်ပြေးတဲ့ပုံစံရှိတယ်၊ သူတို့တနေရာမှာပုန်းနေတဲ့အချိန် နောက်ထပ်စစ်ကား ၃စီးရောက်လာတယ်။နောက်ထပ် ၂စီးလည်းထပ်လာတယ်။ ပတ်ဝန်းကျင်တစ်ခုလုံးကိုဝိုင်းပြီးရှာတော့ တွေ့ပြီးဖမ်းဆီးသွားတာပါ။

သူတို့ကိုဖမ်းပြီးနောက်ပိုင်းမှာလည်းမသျှားပြည့်ခင်ကိုထပ်ဖမ်းမိသွားတယ်လို့ ” ထားဝယ်သပိတ်ကော်မတီက တာဝန်ရှိသူတစ်ဦးက ဘီဘီစီကိုပြောပါတယ်။ဖမ်းဆီးခံလိုက်ရတဲ့သူတွေဟာဆိုရင် ထားဝယ်မြို့ပေါ်သပိတ်စစ်ကြောင်းတွေမှာပါဝင်လှုပ်ရှားနေတာကြာပြီဖြစ်တာကိုသိလို့ စစ်ကောင်စီတပ်တွေက စုံစမ်းပြီးဖမ်းဆီးခဲ့တာဖြစ်တယ်လို့သပိတ်ကော်မတီကသုံးသပ်ပါတယ်။ပြီးခဲ့တဲ့ စက်တင်ဘာ ၁၉ရက်နေ့မှာလည်း နည်းပညာတက္ကသိုလ် အီလက်ထရောနစ် အင်ဂျင်နီယာဌာနက CDM ဆရာမ ဒေါ်နှင်းနန္ဒအောင်ကိုလည်းထားဝယ်မြို့ဘုံမော်ရပ်ကွက်က သူ့နေထိုင်ရာအိမ်မှာစစ်ကောင်စီတပ်တွေက ဝင်ရောက်ဖမ်းဆီးခဲ့ပါသေးတယ်။ဒါ့အပြင် သပိတ်စစ်ကြောင်းတွေနေ့စဉ်မပျက်ထွက်နေတဲ့ထားဝယ်မြို့နယ်အတွင်းမှာတော့ စစ်ကောင်စီတပ်တွေက နေ့စဉ်မပျက်ဖမ်းဆီးမှုတွေရှိနေပြီး တနေ့ကိုအနည်းဆုံး ၂ ဦးလောက်ဖမ်းဆီးခံနေရတယ်လို့ ထားဝယ်သပိတ်စစ်ကြောင်းဦးဆောင်သူတွေကပြောပါတယ်။

ပြီးခဲ့တဲ့ ရက်ပိုင်းမှာလည်း ထားဝယ်ခရိုင်၊ လောင်းလုံမြို့နယ်ထဲက ကျေးရွာတွေမှာရှိတဲ့ ပြည်သူတွေကို စစ်ကောင်စီတပ်တွေကဝင်ရောက်ဖမ်းဆီးခဲ့လို့ပြည်သူ ၁၂ ဦးထက်မနည်းဖမ်းဆီးခံခဲ့ရပြီး ကျေးရွာတွေမှာတပ်စွဲထားဆဲဖြစ်တယ်လို့လည်းဒေသခံတွေကပြောပါတယ်။အခုလိုသပိတ်စစ်ကြောင်းက လူငယ်တွေဖမ်းဆီးခံခဲ့ရပေမယ့် ထားဝယ်ခရိုင်ထဲက သပိတ်စစ်ကြောင်းတွေဟာဆိုရင် ပြည်သူလူထုပါဝင်မှုအားကောင်းတာကြောင့် သပိတ်စစ်ကြောင်းတွေ ရပ်တန့်သွားမှာမဟုတ်ဘူးလို့လည်း သပိတ်စစ်ကြောင်းဦးဆောင်သူတွေက ပြောပါတယ်။

LEAVE A REPLY

Please enter your comment!
Please enter your name here