ထန်တလန်မှာ သေဆုံးသူကို အသုဘချပေးမယ့်သူမရှိလို့ ဟားခါးကိုဗစ်ကာကွယ်ရေး အသင်းက သွားရောက်ကူညီပေးခဲ့ရ

121

တစ်မြို့လုံးနီးပါး စစ်ဘေးရှောင်ဖို့ မြို့ကိုစွန့်ခွာသွား ချင်းပြည်နယ်၊ ထန်တလန်မှာ ပစ်ခတ်မှုတွေကြောင့် ပြည်သူအများစု နေအိမ်စွန့်ခွာ သွားကြပြီးနောက် မနေ့ကစက်တင်ဘာ ၂၁ ရက်နေ့က မြို့ပေါ်မှာကျန်ခဲ့ သူတစ်ဦး ဖြစ်တဲ့ အသက်၆၀အရွယ် အမျိုးသမီးတစ်ဦးသေဆုံးမှုကို အသုဘချပေးမယ့်သူမရှိ တာကြောင့် ဟားခါးမြို့က ကိုဗစ်ကာကွယ်ရေးအသင်းကနေ သွားရောက်ကူညီပေးခဲ့ ရတယ်လို့ သိရပါတယ်။

ထန်တလန်မြို့မှာ လူဦးရေ ၈၀၀၀ နီးပါးရှိတာဖြစ်ပြီး တိုက်ပွဲကြောင့် စစ်ဘေးကို တိမ်းရှောင်ရာက မနေ့က စက်တင်ဘာ ၂၁ ရက်နေ့မှာ မြို့ပေါ်မှာလူ ၂၈ ဦးခန့်သာ ကျန်တော့တယ်လို့ ဒေသခံတွေကပြောပါတယ်။

 

စက်တင်ဘာ (၁၈)ရက်က ထန်တလန်မြို့မှာ စစ်ကောင်စီတပ်တွေနဲ့ ဒေသကာကွယ် ရေးအဖွဲ့တွေအကြား ပစ်ခတ်မှုတွေဖြစ်ခဲ့ပြီး စစ်ကောင်စီရဲ့ အင်အားသုံးပစ်ခတ်မှု တွေကြောင့် မြို့ပေါ်မှာ နေအိမ်အဆောက်အအုံ တွေ မီးလောင်ခဲ့ကာ မီးလောင်စဉ် မီးငြှိမ်းသတ်ဖို့ထွက်လာသူတွေကိုလည်း စစ်ကောင်စီတပ်ကပစ်ခတ်ခဲ့လို့ ခရစ်ယာန် ပါစတာတစ်ပါး သေဆုံးခဲ့ရတယ်လို့ ဒေသခံတွေကပြောပါတယ်။ဒီလိုပြောဆိုမှုတွေအပေါ် မဟုတ်မှန်ကြောင်းနဲ့ ဖြစ်စဉ်ကိုစုံစမ်းနေတယ်လို့ စစ်ကောင်စီပြောခွင့်ရ ဗိုလ်မှူးချုပ်ဇော်မင်းထွန်းက ပြန်လည်တုန့်ပြန်ပြောဆို ထားပါတယ်။အခုလို ထန်တလန်မြို့ပေါ်မှာပစ်ခတ်မှုကြောင့် စစ်ဘေးရှောင်ရတာဟာ ပထမဆုံး အကြိမ်ဖြစ်တယ်လို့ သိရပါတယ်။

LEAVE A REPLY

Please enter your comment!
Please enter your name here