တရုတ်ယွမ်နှင့် ထိုင်းဘတ် ငွေလဲနှုန်းများလည်း မြင့်တက်

197

မြန်မာကျပ်ငွေနှင့် အမေရိကန်ဒေါ်လာလဲလှယ်နှုန်းသည် ၁ ဒေါ်လာ ကျပ် ၂၀၀၀ ကျော် အထိ မြင့်တက်သွားခဲ့ပြီး နယ်စပ်ကုန်သွယ်ရေးတွင် အဓိကငွေပေးချေနေရသည့် တရုတ်ယွမ်နှင့် ထိုင်းဘတ်ငွေများ၏ လဲလှယ်နှုန်းများလည်း ဆက်တိုက်မြင့်တက်လာလျက် ရှိသည်။

တရုတ်ယွမ်ငွေ လဲလှယ်နှုန်းသည်လည်း ယခင်က ၁ ယွမ်ကို ကျပ် ၂၅၀ ဝန်းကျင်သာ ရှိခဲ့ရာမှ ယခုတွင် ကျပ် ၂၉၀ မှ ကျပ် ၃၀၀ ကျော် အထိမြင့်တက်လျက်ရှိပြီး ထိုင်းဘတ် လဲလှယ်နှုန်းသည်လည်း ယခင်က ၁ ဘတ်လျှင် ကျပ် ၄၅ မှ ကျပ် ၄၆ ဝန်းကျင်သာ ရှိခဲ့ရာမှ ယခုတွင် ၁ ဘတ်လျှင် ကျပ် ၅၈ မှ ကျပ် ၆၀ ကျော်အထိ မြင့်တက်လာနေလျက်ရှိကြောင်း သိရသည်။

ယခု စက်တင်ဘာလ အတွင်းမှာပင် တရုတ် ၁ ယွမ်ကို ကျပ် ၅၀ ဝန်းကျင်မြင့်တက်သွားပြီး ထိုင်း ၁ ဘတ်ကိုလည်း ကျပ် ၁၀ ကျော် မြင့်တက်သွားခြင်းလည်းဖြစ်သည်။မြဝတီမြို့မှ ကုန်သည်တဦးက “အခုက မြန်မာဘက်က ပြောင်းတင်ပို့ရတဲ့ အချိန်လည်း ပြည့်သွားပြီဆိုတော့ ထိုင်းဘက်က အသွင်းများနေတဲ့အချိန်မှ ဘတ်ဈေးတက်တော့ သိပ်မကိုက်တဲ့ အခြေအနေတွေ ဖြစ်တာပေါ့” ဟု ပြောသည်။

လက်ရှိ မြဝတီကုန်သွယ်ရေးတွင် အောက်ဆီဂျင်နှင့် ဆေးဝါးများ တင်သွင်းမှု လျော့ကျသွားလျက်ရှိပြီး လူသုံးကုန်နှင့် စားသောက်ကုန်များသာ တင်သွင်းလျက်ရှိကာ ဘတ်ဈေးမြင့်နေခြင်းကြောင့် ထိုကုန်ပစ္စည်းများသည် ပုံမှန်ထက် ဈေးနှုန်း မြင့်တက်လျက်ရှိကြောင်း ၎င်းက ဆိုသည်။ယင်းပြင် မြန်မာကျပ်ငွေတန်ဖိုးသည် နေ့စဉ် အကျဘက်သို့ ရောက်ရှိသွားခြင်းကြောင့် ကုန်သည် တချို့သည့် မြန်မာကျပ် ငွေအစား ဘတ်ကိုသာ ကိုင်ဆောင်ထားလျက်ရှိကြောင်း နယ်စပ်ငွေလွှဲလုပ်ကိုင်သူတဦးက ပြောသည်။

၎င်းက “ဒီနေ့ဈေးနဲ့ နောက်နေ့ဈေးက ထပ်ထပ်ကျသွားတာပဲဆိုတော့ မြန်မာငွေကို ဘယ်သူ့မှမကိုင် ထားချင်ကြတော့ဘူး” ဟု ဆိုသည်။ယခင်က ကျပ်ငွေ ၁ သိန်းကို ဘတ် ၂၀၀၀ ဝန်းကျင်ရှိရာမှ ယခုတွင် ကျပ်ငွေ ၁ သိန်းကို ဘတ် ၁၆၇၀ မှ ဘတ် ၁၇၀၀ ဝန်းကျင်သာ ရှိတော့ကြောင်း သိရသည်။ပုံမှန်နယ်စပ်ကုန်သွယ်ရေးရှိနေချိန်တွင် ယခုလို နိုင်ငံခြားငွေလဲလှယ်နှုန်းများ မြင့်တက်နေပါက ပို့ကုန်သမားအတွက် ဈေးကောင်းရမည်ဖြစ်သလို တောင်သူများအတွက်လည်း တွက်ချေကိုက်မည့် အခြေအနေရှိသော်လည်း လက်ရှိအချိန်တွင် တရုတ်နယ်စပ်ကုန်သွယ်ရေးတွင် ယာယီပိတ်ထားခြင်းကြောင့် မည်သည့်အကျိုးရလဒ်မှ မရှိကြောင်း မန္တလေးမြို့မှ ကုန်သည်တဦးက ပြောသည်။

၎င်းက “ယွမ်ဈေးတက်ရင် အရင်ကဆိုရင် ပို့ကုန်သမားတွေအကြိုက်ပေါ့။ အခုက တရုတ်နယ်စပ်ကုန်သွယ်ရေးက ရပ်နေတာဆိုတော့ ကုန်သွယ်ရေးဘက်မှာ သိပ်တော့ သက်ရောက်မှု မရှိဘူး” ဟု ဆိုသည်။အမေရိကန်ဒေါ်လာ လဲလှယ်နှုန်း ဆက်တိုက်မြင့်တက်နေမှုကြောင့် ဗဟိုဘဏ်က ယခုလအတွင်း၌ အမေရိကန်ဒေါ်လာ ၃၈ သန်းအထိ လေလံတင်ထုတ်ရောင်းချပေးပြီး အမေရိကန်ဒေါ်လာလဲ လှယ်နှုန်း လျော့ကျအောင် လုပ်ဆောင် လျက်ရှိ နေသည်။ဗဟိုဘဏ်သည် စစ်အာဏာသိမ်းမှုဖြစ်ပွားပြီး ယခု ၈ လအတွင်း၌ အမေရိကန်ဒေါ်လာ သန်း ၁၆၀ နီးပါး ထုတ်ရောင်းချ လျက်ရှိသည်။

LEAVE A REPLY

Please enter your comment!
Please enter your name here