တရားမဝင် ခိုးထုတ်လာသော ပိတောက်သစ်ခွဲသား ၁၀ တန်ကို YDF ထီးလင်း ဖမ်းဆီး

105

မကွေးတိုင်းဒေသကြီး၊ ဂန့်ဂေါဘက်မှ ကုန်ကားနှစ်စီးဖြင့် တရားမဝင် ခိုးထုတ်လာသော ပိတောက်သစ်ခွဲသား ၁၀ တန်ကို ယနေ့ (အောက်တိုဘာလ ၁၂ ရက်) နံနက် ၈ နာရီခန့်တွင် ယောဒေသကာကွယ် ရေးတပ်ဖွဲ့ (YDF- ထီးလင်း) က ဖမ်းဆီးထိန်းသိမ်းလိုက်ကြောင်း YDF- ထီးလင်းတပ်ဖွဲ့ တာဝန်ရှိသူက ပြောသည်။

မသင်္ကာဖွယ်ရာ ကုန်ကားနှစ်စီးကို ပိတ်ဆို့စစ်ဆေးခဲ့ရာ ကားအပြာတစ်စီးတွင် ပိတောက်သစ်ခွဲသား ဆိုဒ်စုံနှစ်တန်နှင့် ရှစ်ဘီးကုန်တင်ကား‌ပေါ်တွင် ပိတောက်သစ်ခွဲသား ဆိုဒ်စုံ ရှစ်တန်ခန့် တရားမဝင် ခိုးထုတ်လာကြောင်း တွေ့ရှိရသဖြင့် ပြည်သူပိုင်ပစ္စည်းအဖြစ် သိမ်းဆည်းလိုက်သည်ဟု YDF- ထီးလင်း တပ်ဖွဲ့က ဆိုသည်။

ယာဉ်ပေါ်တွင် ပါလာသော ယာဉ်မောင်းနှင့် ယာဉ်နောက်လိုက် စုစုပေါင်းလေးဦးကို ယခုလိုလုပ်ရပ်မျိုး နောက်ထပ်မလုပ်ရန် သတိပေးပြီးနောက် ပြန်လွှတ်ပေးခဲ့ပြီး သစ်ပိုင်ရှင်မှာ ပခုက္ကူမြို့နေ ဦးအောင်ကိုလတ်ဖြစ်ကြောင်း YDF- ထီးလင်း အဖွဲ့တာဝန်ရှိသူက ပြောသည်။အဆိုပါ ဒေသဘက်တွင် လက်ရှိကာလအတွင်း သစ်များကို အဆမတန် ခုတ်ယူကာ တရားမဝင် ခိုးထုတ်ယူမှုများရှိနေကြောင်း ဒေသခံများက ပြောသည်။

LEAVE A REPLY

Please enter your comment!
Please enter your name here