စစ်မျက်နှာ စတင်ဖွင့်တော့မည်ဖြစ်ကြောင်း ပြည်သူ့တော်လှန်ရေး တပ်မတော် ကြေညာ

184

ပြည်သူ့တော်လှန်ရေးတပ်မတော် (PRA) သည် သင်တန်းပေးနေမှုများကို ခေတ္တရပ်ဆိုင်းပြီး စစ်မျက်နှာ စတင်ဖွင့်လှစ်တော့မည် ဖြစ်ကြောင်း ယနေ့ ထုတ်ပြန်ကြေညာသည်။

“ပြည်သူ့တော်လှန်ရေး တပ်မတော်တွင် အင်အားမှာ များသထက်များလာပြီ ဖြစ်သည်။ သင်တန်းတွေ ပေးနေ၍ တိုက်စစ်မဖွင့်နိုင်ခြင်းအတွက် ပြည်သူများအနေနှင့် နာလည်ပေးကြပါ။ ယခု သင်တန်းပေးနေမှုများကို ‌ခေတ္တရပ်ဆိုင်းပြီး စစ်မျက်နှာ စတင်ဖွင့်လှစ်တော့မည်ဟု ကြေညာအပ်ပါသည်” ဟူ၍ ဖော်ပြထားသည်။

PRA အနေဖြင့် အခက်အခဲများကြားမှပင် သင်တန်းအမှတ်စဉ် (၉)၊ မိန်းကလေးအမှတ်စဉ် (၂) ရဲဘော် ကျား ၁၅၅ ဦးနှင့် မ ၁၁ ဦး စုစုပေါင်း ၁၆၆ ဦးတို့ကို အောင်မြင်စွာ သင်တန်းပေးနိုင်ခဲ့ပြီး ဖြစ်ကြောင်းလည်း ထုတ်ပြန်ထားသည်။
စစ်အာဏာရှင် အမြစ်ဖြတ် ချေမှုန်းတိုက်ခိုက်ရေးအတွက် PRA သည် ပုလဲမြို့နယ်ပြည်သူ့ကာကွယ်ရေးတပ်ဖွဲ့ (PDF)၊ မြိုင်မြို့နယ်ပြည်သူ့ကာကွယ်ရေးတပ်ဖွဲ့ (PDF) များနှင့်လည်း မဟာမိတ်ဖွဲ့စည်းထားသည်။

LEAVE A REPLY

Please enter your comment!
Please enter your name here