ကိုဗစ်ပထမလှိုင်းကတည်းက တိုင်းပြည်စီးပွားရေးကျဆင်းနေခြင်းဖြစ်ဟု စစ်ကောင်စီပြော

126

လက်ရှိဖြစ်ပေါ်နေတဲ့ ရွှေဈေးဒေါ်လာဈေးထက် နိုင်ငံသာယာဝပြောရေးနဲ့ ဖူလုံရေးကို အဓိကထားဆောင်ရွက်မယ်လို့ စစ်ကောင်စီရဲ့ သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ်ဇော်မင်းထွန်းက(စက်တင်ဘာ ၃၀ရက်) နေပြည်တော်မှာ ကျင်းပပြုလုပ်တဲ့ သတင်းစာရှင်းလင်းပွဲမှာ ပြောဆိုလိုက်ပါတယ်။

ရွှေဈေးဒေါ်လာဈေးနဲ့ ပတ်သက်ပြီး ရွှေဈေးဒေါ်လာဈေးထက် နိုင်ငံသာယာဝပြောရေးနဲ့ ဖူလုံရေးကိုအဓိကထား ဆောင်ရွက်မယ်။ ဒီကိစ္စနဲ့ ပတ်သက်ပြီး ပြည်တွင်းစီးပွားရေးလုပ်ငန်းတွေ ပြည်လည်လည်ပတ်ဖို့ကျဆင်းလာတဲ့ စီးပွားရေးတွေ အဆင်ပြေစွာ စီစစ်လည်ပတ်နိုင်ရေးအတွက် နိုင်ငံတော်အစိုးရအနေနဲ့လည်း ဆောင်ရွက်လျက်ရှိပါတယ်။”လို့ ၎င်းကပြောပါတယ်။

လက်ရှိမှာ ဒေါ်လာဈေး မြင့်တက်လာမှုနဲ့ ပတ်သက်ပြီး မြန်မာနိုင်ငံတော် ဗဟိုဘဏ်ကနေ နိုင်ငံခြားငွေများရောင်းပေးတာတွေ ပြည်ပပို့ကုန်ရငွေများ အချိန်မှီပြန်လည်ဝင် ရောက်အောင် ဆောင်ရွက်ပေးတာတွေပို့ကုန်ရငွေများ လက်ဝယ်ကိုင်ဆောင်မှုများကို အချိန်ကာလသတ်မှတ်ခြင်းနဲ့ ပိုကုန်မြင့်တင်ရေးဆောင်ရွက်ခြင်း နည်းလမ်းတွေနဲ့ ဆောင်ရွက်လျက်ရှိတယ်လို့ ဆိုပါတယ်။

တစ်ချို့ကပြောကြတယ် ဗဟိုဘဏ်ကနေ ထုတ်ရောင်းနေတဲ့ ဒေါ်လာတွေဟာ ပြည်တွင်းလိုအပ်ချက်မှာလိုအပ်သလောက် ဖြည့်ဆည်းမပေးနိုင်ဘူးဆိုတာ ရှိပါတယ်။ ဒါလည်း အဖြစ်မှန်တစ်ခုပါပဲ။ ကျွန်တော်တို့အနေနဲ့ဖြည့်ဆည်းပေးထားတာကတော့ နိုင်ငံမှာထွက်တဲ့ အခြေခံစားကုန်တွေပါ။ ကျွန်တော်တို့နိုင်ငံမှာ မထွက်တဲ့ပြည်ပကနေ ဝယ်ယူပေးနေရတဲ့ ဟာကတော့ စက်သုံးဆီ၊ စားသုံးဆီ ဒါတွေနဲ့ပတ်သက်ပြီးလည်းဆောင်ရွက်ပေးနေပါတယ်လို့ ဗိုလ်ချုပ်ဇော်မင်းထွန်းက ပြောပါတယ်။

LEAVE A REPLY

Please enter your comment!
Please enter your name here